-
-
Xhosa -
-
1
|Lucas 9:1|
Ke kaloku, ebabizele ndawonye abafundi bakhe abalishumi elinababini, wabanika amandla negunya kuzo zonke iidemon, nokuphilisa izifo.
-
2
|Lucas 9:2|
Wabathuma ukuba babuvakalise ubukumkani bukaThixo, bayiphilise imilwelwe.
-
3
|Lucas 9:3|
Wathi kubo, Ningaphathi nto yandlela, namisimelelo, nangxowa yamphako, nasonka, namali, ningabi nangubo zangaphantsi ngambini;
-
4
|Lucas 9:4|
nasendlwini enithe nangena kuyo, hlalani khona, ukumka nisuke khona.
-
5
|Lucas 9:5|
Abo sukuba benganamkeli, yithini nakuphuma kuloo mzi, niluvuthulule nothuli ezinyaweni zenu, kube bubungqina oko kubo.
-
6
|Lucas 9:6|
Bephumile ke, bayihambahamba imizana, bezishumayela iindaba ezilungileyo, bephilisa ezindaweni zonke.
-
7
|Lucas 9:7|
Ke kaloku uHerode, umphathi wesahlulo sesine selizwe, waziva zonke izinto ezenziwayo nguye; wesuka wathingaza, ngenxa yokuba bekusithiwa ngabanye, Kuvuke uYohane kwabafileyo;
-
8
|Lucas 9:8|
kuthiwe ke ngabanye, Kubonakale uEliya; kuthiwe ngabanye, Kubuye kwavuka umprofeti wakuwo amanyange.
-
9
|Lucas 9:9|
Wathi uHerode, UYohane mna ndamnqamla intloko; lo ke ngubani na, ndiva kuthethwa izinto ezinje ngaye. Wayefuna ke ukumbona.
-
10
|Lucas 9:10|
Bebuyile abapostile, bamcacisela ukuba zinkulu kwezinto ababezenzile. Wabathabatha, wasithela endaweni eyintlango yomzi okuthiwa yiBhetesayida.
-
-
Sugerencias
Haga clic para leer 2 Corintios 5-7