-
-
Xhosa -
-
15
|Romanos 8:15|
Kuba anamkelanga moya wabukhoboka, ukuba nibuye noyike; namkele umoya wokwenziwa oonyana, esidanduluka ngawo sithi, Abha, Bawo.
-
16
|Romanos 8:16|
UMoya ngokwakhe ungqinelana nomoya wethu, ukuba singabantwana bakaThixo.
-
17
|Romanos 8:17|
Ukuba ke singabantwana, sikwaziindlalifa; iindlalifa zikaThixo, iindlalifa ke kunye noKristu; ukuba okunene siva ubunzima kunye naye, ukuze sizukiswe nokuzukiswa kunye naye.
-
18
|Romanos 8:18|
Kuba ndigqiba kwelithi, iintlungu zeli xesha lakalokunje azinakulinganiswa nobuqaqawuli obu buza kutyhilwa kuthi.
-
19
|Romanos 8:19|
Kuba ukulangazelela kwendalo kulinde ukutyhileka koonyana bakaThixo.
-
20
|Romanos 8:20|
Kuba indalo yalulanyiselwa kokungelutho, kungengakuvuma kwayo, kungenxa yowayilulamisayo,
-
21
|Romanos 8:21|
inethemba lokuba nendalo ngokwayo iya kukhululwa ebukhobokeni bokonakala, isingiswe enkululekweni yozuko lwabantwana bakaThixo.
-
22
|Romanos 8:22|
Kuba siyazi ukuba yonke indalo iyancwina, inenimba kunye, unangoku.
-
23
|Romanos 8:23|
Asiyiyo ke yodwa; sisuka nathi, banayo intlahlela yoMoya, thina aba ke ngokwethu, sincwine ngaphakathi kwethu, silinde ukwenziwa oonyana; inkululeko yomzimba wethu ke leyo.
-
24
|Romanos 8:24|
Kuba sasindiselwa ethembeni; ke ithemba elise libonwa asithemba; kuba oko akubonayo umntu, angaba usakuthembeleni na?
-
-
Sugerencias
Haga clic para leer 1 Corintios 8-10