-
Leia por capÃtulos
-
Afrikaans (1953) -
-
1
|Gênesis 37:1|
En Jakob het gewoon in die land van die vreemdelingskap van sy vader, in die land Kanaän.
-
2
|Gênesis 37:2|
Dit is die geskiedenis van Jakob. Josef het as seun van sewentien jaar die kleinvee opgepas saam met sy broers--hy was nog jonk--met die seuns van Bilha en die seuns van Silpa, die vroue van sy vader. En Josef het die slegte gerug oor hulle na hulle vader oorgebring.
-
3
|Gênesis 37:3|
En Israel het Josef meer lief gehad as al sy seuns; want hy was vir hom 'n seun van die ouderdom; en hy het vir hom 'n lang rok met moue gemaak.
-
4
|Gênesis 37:4|
Toe sy broers sien dat hulle vader hom meer as al sy broers liefhet, het hulle hom gehaat en kon nie vriendelik met hom praat nie.
-
5
|Gênesis 37:5|
Ook het Josef 'n droom gehad wat hy aan sy broers vertel het. Daaroor het hulle hom nog meer gehaat.
-
6
|Gênesis 37:6|
Hy het naamlik vir hulle gesê: Hoor tog hierdie droom wat ek gehad het.
-
7
|Gênesis 37:7|
Kyk, ons was besig om gerwe te bind op die land toe meteens my gerf gaan staan en ook regop bly staan, terwyl julle gerwe daar rondom kom en hulle voor my gerf neerbuig.
-
8
|Gênesis 37:8|
Toe sê sy broers aan hom: Wil jy miskien oor ons regeer? Of wil jy miskien oor ons heers? En hulle het hom nog meer gehaat oor sy drome en oor sy woorde.
-
9
|Gênesis 37:9|
Daarna het hy nog 'n ander droom gehad en dit aan sy broers vertel en gesê: Kyk, ek het nog 'n droom gehad--die son en die maan en elf sterre het hulle voor my neergebuig.
-
10
|Gênesis 37:10|
Toe hy dit aan sy vader en sy broers vertel, het sy vader hom hard bestraf en aan hom gesê: Wat is dit vir 'n droom wat jy gehad het? Moet ons werklik kom, ek en jou moeder en jou broers, om ons voor jou na die aarde neer te buig?
-
-
Sugestões
Clique para ler Apocalipse 21-21