-
Leer por capítulos:
-
Bibla Shqiptare -
-
1
|1 Crónicas 11:1|
Atëherë tërë Izraeli u mblodh rreth Davidit në Hebron dhe i tha: "Ja, ne jemi kocka dhe mishi yt".
-
2
|1 Crónicas 11:2|
Edhe në të kaluarën, kur ishte mbret Sauli, ti ishe ai që udhëhiqte dhe kthente pas Izraelin; dhe Zoti, Perëndia yt, të pati thënë: "Ti do të ushqesh popullin tim të Izraelit, ti do të jesh princ mbi popullin tim të Izraelit"".
-
3
|1 Crónicas 11:3|
Kështu tërë pleqtë e Izraelit erdhën te mbreti në Hebron, dhe Davidi lidhi me ta një aleancë në Hebron përpara Zotit; pastaj ata e vajosën Davidin mbret të Izraelit, sipas fjalës së shqiptuar nga Zoti me anë të Samuelit.
-
4
|1 Crónicas 11:4|
Davidi së bashku me tërë Izraelin doli kundër Jeruzalemit, që është Jebusi, ku ndodheshin Jebusejtë, banorë të vendit.
-
5
|1 Crónicas 11:5|
Atëherë banorët e Jebusit i thanë Davidit: "Nuk do të hysh këtu". Por Davidi pushtoi qytetin e fortifikuar të Sionit, që është qyteti i Davidit.
-
6
|1 Crónicas 11:6|
Davidi kishte thënë: "Ai që do t´i mundë i pari Jebusejtë do të bëhet kryetar dhe princ". Doli i pari Joabi, bir i Tserujahut, që u bë kështu kryetar.
-
7
|1 Crónicas 11:7|
Davidi u vendos pastaj në kalanë që u quajt për këtë arsye "qyteti i Davidit".
-
8
|1 Crónicas 11:8|
Pastaj ai bëri ndërtime përreth qytetit nga Milo dhe në gjithë perimetrin e tij; Joabi meremetoi pjesën tjetër të qytetit.
-
9
|1 Crónicas 11:9|
Kështu Davidi bëhej gjithnjë e më i madh dhe Zoti i ushtrive ishte me të.
-
10
|1 Crónicas 11:10|
Këta janë komandantët e luftëtarëve trima që ishin në shërbim të Davidit dhe që i dhanë përkrahje të madhe me gjithë Izraelin në mbretërinë e tij për ta bërë mbret sipas fjalës të Zotit lidhur me Izraelin.
-
-
Sugerencias
Haga clic para leer 1 Corintios 1-4