-
Leer por capítulos:
-
Bibla Shqiptare -
-
11
|1 Crónicas 21:11|
Gadi shkoi te Davidi dhe i tha: "Kështu thotë Zoti: Zgjidh
-
12
|1 Crónicas 21:12|
ose tre vjet zi buke, ose tre muaj shkatërrimesh përpara kundërshtarëve të tu, gjatë të cilave shpata e armiqve të tu do të të zërë, ose tri ditë shpate të Zotit, me fjalë të tjera murtaja në vend, gjatë të cilave engjëlli i Zotit do të të sjellë shkatërrim në të gjithë territorin e Izraelit. Tani më bëj të ditur përgjigjen që duhet t´i jap atij që më ka dërguar".
-
13
|1 Crónicas 21:13|
Davidi i tha Gadit: "Unë jam në një ankth të madh! Oh, më mirë unë të bija në duart e Zotit sepse është shumë i mëshirshëm, por të mos bija në duart e njerëzve!".
-
14
|1 Crónicas 21:14|
Kështu Zoti dërgoi murtajën në Izrael dhe vdiqën shtatëdhjetë mijë Izraelitë.
-
15
|1 Crónicas 21:15|
Perëndia dërgoi gjithashtu një engjëll në Jeruzalem për ta shkatërruar; por kur po përgatitej të fillonte shkatërrimin, Zoti ktheu shikimin, u pendua për fatkeqësinë e caktuar dhe i tha engjëllit që shkatërronte: "Tani mjaft! Mbaje dorën!". Engjëlli i Zotit qëndronte më këmbë pranë lëmit të Ornanit, Jebuseut.
-
16
|1 Crónicas 21:16|
Davidi me sytë e ngritur, pa engjëllin e Zotit që rrinte midis tokës dhe qiellit me në dorë një shpatë të zhveshur dhe të drejtuar mbi Jeruzalem. Atëherë Davidi dhe pleqtë, të veshur me thasë, ranë përmbys me fytyrë për tokë.
-
17
|1 Crónicas 21:17|
Davidi i tha Perëndisë: "A nuk kam qenë unë, vallë, ai që urdhëroi regjistrimin e popullsisë? Kam qenë unë që kam mëkatuar dhe që kam bërë të keqen; por këta, kopeja, çfarë kanë bërë? Të lutem, o Zot, Perëndia im, drejtoje dorën tënde kundër meje dhe kundër shtëpisë së atit tim, por mos e godit popullin tënd me këtë fatkeqësi".
-
18
|1 Crónicas 21:18|
Atëherë engjëlli i Zotit urdhëroi Gadin t´i thotë Davidit që ky të dalë dhe t´i ngrejë një altar Zotit në lëmin e Ornanit, Jebuseut.
-
19
|1 Crónicas 21:19|
Kështu Davidi doli sipas fjalës që Gadi kishte shqiptuar në emër të Zotit.
-
20
|1 Crónicas 21:20|
Ornani u kthye dhe pa engjëllin; prandaj të katër bijtë e tij që ishin me të u fshehën, por Ornani vazhdoi të shijë grurin.
-
-
Sugerencias
Haga clic para leer Job 20-21