-
Leer por capítulos:
-
Bibla Shqiptare -
-
1
|1 Samuel 14:1|
Një ditë ndodhi që Jonathani, bir i Saulit, i tha shqyrtarit të tij të ri: "Eja, shkojmë drejt pozicioneve të Filistejve, që ndodhen në anën tjetër". Por nuk i tha asgjë të atit.
-
2
|1 Samuel 14:2|
Sauli rrinte atëherë në skajin e Gibeahut nën shegën që është në Migron, dhe njerëzit që ishin me të arrinin në rreth gjashtë qind veta.
-
3
|1 Samuel 14:3|
Ahijahu, bir i Ahitubit, vëllai i Ikabodit, birit të Finehasit, birit të Elit, prift i Zotit, në Shiloh kishte veshur efodin. Por populli nuk e dinte që Jonathani kishte ikur.
-
4
|1 Samuel 14:4|
Ndërmjet kalimeve nëpër të cilat Jonathani kërkonte të arrinte në pozicionin e Filistejve, kishte një shkëmb që ngrihej nga një anë dhe një shkëmb që ngrihej nga ana tjetër; njëri quhej Botsets dhe tjetri Seneh.
-
5
|1 Samuel 14:5|
Njeri nga shkëmbinjtë ngrihej në veri, përballë Mikmashit dhe tjetri në jug, përballë Gibeahut.
-
6
|1 Samuel 14:6|
Jonathani i tha shqyrtarit të ri: "Eja, shkojmë drejt pozicioneve të këtyre të parrethprerëve; ndofta Zoti ka për të vepruar në favorin tonë, sepse asgjë nuk e pengon Zotin të sigurojë shpëtimin me shumë ose me pak njerëz".
-
7
|1 Samuel 14:7|
Shqyrtari i tij iu përgjegj: "Bëj ç´ke për zemër; shko përpara; jam gati të shkoj me ty ku ta dëshirojë zemra jote".
-
8
|1 Samuel 14:8|
Atëherë Jonathani tha: "Ja, ne do të shkojmë drejt atyre njerëzve dhe do t´i bëjmë që të na shohin.
-
9
|1 Samuel 14:9|
Po të na thonë: "Ndaluni deri sa t´ju arrijmë", ne do të qëndrojmë në vend dhe nuk do të shkojmë tek ata;
-
10
|1 Samuel 14:10|
por në rast se na thonë: "Ejani te ne", ne do të shkojmë, sepse Zoti i ka dhënë në duart tona; dhe kjo do të na shërbejë si shenjë".
-
-
Sugerencias
Haga clic para leer Éxodo 39-40