-
-
Bibla Shqiptare -
-
1
|Lucas 17:1|
Atëherë Jezusi u tha dishepujve të vet: "Éshtë e pamundur që të mos ndodhin skandale; por mjerë ai për faj të të cilit vijnë!
-
2
|Lucas 17:2|
Për të do të ishte më mirë t´i varnin në qafë një gur mulliri dhe ta hidhnin në det, se sa të skandalizojë një të vetëm nga këta të vegjël.
-
3
|Lucas 17:3|
Kini kujdes veten tuaj! Në se yt vëlla mëkaton kundër teje, qortoje; dhe në se pendohet, fale.
-
4
|Lucas 17:4|
Edhe sikur të mëkatonte shtatë herë në ditë kundër teje, dhe shtatë herë në ditë do të kthehet te ti duke thënë: "Pendohem", fale'.
-
5
|Lucas 17:5|
Atëherë apostujt i thanë Zotit: "Na e shto besimin'.
-
6
|Lucas 17:6|
Dhe Zoti tha: "Po të kishit besim sa një kokërr sinapi, do të mund t´i thonit këtij mani: "Shkulu me gjithë rrënjë dhe mbillu në det", dhe ai do t´ju bindej.
-
7
|Lucas 17:7|
Tani cili nga ju, po të ketë një shërbëtor që i lëron tokën ose i kullot kopenë, do t´i thotë kur ai kthehet nga fusha në shtëpi: "Eja menjëherë në tryezë"?
-
8
|Lucas 17:8|
A nuk do t´i thotë përkundrazi: "Ma bëj gati darkën, përvishu e më shërbe që unë të ha e të pi e pastaj të hash dhe të pish edhe ti"?
-
9
|Lucas 17:9|
Do ta falënderojë ndoshta atë shërbëtor sepse i zbatoi ato që i ishin urdhëruar? Mendoj se jo.
-
10
|Lucas 17:10|
Kështu edhe ju, kur të keni bërë të gjitha ato që ju urdhërohen, thoni: "Jemi shërbëtorë të padobishëm. Bëmë atë që kishim detyrë të bënim"'.
-
-
Sugerencias
Haga clic para leer 1 Crónicas 25-27