-
Leer por capítulos:
-
Xhosa -
-
1
|Ezequiel 23:1|
Kwafika ilizwi likaYehova kum, lisithi,
-
2
|Ezequiel 23:2|
Nyana womntu, kwakukho abafazi ababini, iintombi zamfazi mnye.
-
3
|Ezequiel 23:3|
Bahenyuza eYiputa, bahenyuza besebancinane; acofelwa khona amabele abo; zaphathwa khona iingono zamabele zobuntombi babo.
-
4
|Ezequiel 23:4|
Amagama abo ke nguNtente-yakhe omkhulu kubo, noNtente-yam-kuye umsakwabo; baba ngabam, bazala oonyana neentombi. Amagama abo nguSamari uNtente-yakhe, yiYerusalem uNtente-yam-kuye.
-
5
|Ezequiel 23:5|
UNtente-yakhe wahenyuza engumkam, watshiswa kukukhanuka izithandane zakhe, ama-Asiriya, umelwane lwakhe:
-
6
|Ezequiel 23:6|
abavethe iingubo ezimsi, amabamba neerhuluneli, amadodana aluluhle onke ephela, abamahashe bekhwele emahasheni.
-
7
|Ezequiel 23:7|
Wakubhekisela kubo ukuhenyuza kwakhe, koonyana baseAsiriya abaluluhle bonke bephela; wathi abo bonke abetshiseka kukubakhanuka, wazenza inqambi ngezigodo zabo.
-
8
|Ezequiel 23:8|
Akakuyeka nokuhenyuza kwakhe kwaseYiputa; ngokuba ebuncinaneni bakhe babelala naye, baziphathe iingono zamabele zobuntombi bakhe bona; bathululele ubufebe babo phezu kwakhe.
-
9
|Ezequiel 23:9|
Ngako oko ndamnikela esandleni sezithandane zakhe, esandleni soonyana baseAsiriya, abo abetshiseka kukubakhanuka.
-
10
|Ezequiel 23:10|
Bona babutyhila ubuze bakhe, bathabatha oonyana bakhe neentombi zakhe, bambulala ngekrele; waba ngundaba-mlonyeni kubafazi, bamgweba.
-
-
Sugerencias
Haga clic para leer Éxodo 39-40