-
Leer por capítulos:
-
Xhosa -
-
28
|Mateo 24:28|
Kuba apho sukuba sikhona isidumbu, aya kuhlanganisana khona amaxhalanga.
-
29
|Mateo 24:29|
Kwaoko ke, emveni kwembandezelo yaloo mihla, ilanga liya kwenziwa mnyama, ithi nenyanga ifiphale, zithi neenkwenkwezi ziwe ezulwini, athi namandla amazulu azanyazanyiswe.
-
30
|Mateo 24:30|
Uya kubonakala ngelo xesha umqondiso woNyana woMntu ezulwini; zimbambazele ngelo xesha zonke izizwe zomhlaba, zimbone uNyana woMntu esiza phezu kwamafu ezulu, enamandla, nobuqaqawuli obukhulu.
-
31
|Mateo 24:31|
Wozithuma izithunywa zakhe zasemazulwini, zinexilongo elisandi sikhulu, zihlanganisele ndawonye abanyulwa bakhe, baphume kumacala omane omoya, kuthabathela esiphelweni sezulu, kude kuse kwesinye isiphelo salo.
-
32
|Mateo 24:32|
Wufundeni ke umzekeliso kuwo umkhiwane: xa selithe lathamba isebe lawo, lahluma amagqabi, niyazi ukuba likufuphi ihlobo.
-
33
|Mateo 24:33|
Ngokukwanjalo nani, xa nithe nazibona zonke ezo zinto, yazini ukuba kukufuphi, sekusemnyango.
-
34
|Mateo 24:34|
Inene ndithi kuni, Asisayi kudlula esi sizukulwana, zingadanga zonke ezo zinto zibekho.
-
35
|Mateo 24:35|
Liya kudlula izulu nomhlaba, ke wona amazwi am akasayi kudlula.
-
36
|Mateo 24:36|
Kodwa akukho bani uwaziyo loo mhla nelo lixa; azazi nezithunywa zamazulu, nguBawo yedwa.
-
37
|Mateo 24:37|
Ke kaloku, njengokuba ibinjalo imihla kaNowa, koba njalo nokufika koNyana woMntu.
-
-
Sugerencias
Haga clic para leer 1 Corintios 11-13