-
-
Bibla Shqiptare -
-
1
|Cantares 5:1|
Hyra në kopshtin tim, o motra ime, nusja ime, mblodha mirrën time me balsamin tim, hëngra huallin tim me mjaltin tim, piva verën time me qumështin tim. Shokë, hani, pini; po, dehuni, o të dashur!
-
2
|Cantares 5:2|
Unë flija, por zemra ime përgjonte. Dëgjoj zërin e të dashurit tim, që troket dhe thotë: "Hapma, motra ime, mikja ime, pëllumbesha ime, e përkryera ime, sepse koka ime është gjithë vesë dhe kaçurrelat e mia gjithë cirka të natës.
-
3
|Cantares 5:3|
E hoqa rrobën time, si mund ta vesh përsëri? I lava këmbët, si mund t´i fëlliq përsëri?
-
4
|Cantares 5:4|
I dashuri im e vuri dorën te vrima e derës, dhe të përbrëndshmet e mia u ngashërryen nga ai.
-
5
|Cantares 5:5|
U ngrita për t´i hapur derën të dashurit tim, dhe nga duart e mia pikoi mirra, nga gishtërinjtë e mi mirra e lëngët, që rridhte mbi dorezën e bravës.
-
6
|Cantares 5:6|
Ia hapa të dashurit tim, por i dashuri im ishte tërhequr dhe kishte ikur; zemra ime ligshtohej kur ai fliste. E kërkova, por nuk e gjeta; e thirra, por ai nuk m´u përgjigj.
-
7
|Cantares 5:7|
Rojet që sillen nëpër qytet më gjetën, më rrahën, më plagosën; rojet e mureve më çorën velin.
-
8
|Cantares 5:8|
Unë ju lutem shumë, o bija të Jeruzalemit, në rast se e gjeni të dashurin tim, çfarë do t´i thoni? I thoni se jam e sëmurë nga dashuria.
-
9
|Cantares 5:9|
Çfarë ka më tepër i dashuri yt se një i dashur tjetër, o më e bukura midis grave? Çfarë ka i dashuri yt më tepër se një i dashur tjetër, përse përgjërohesh kështu?
-
10
|Cantares 5:10|
I dashuri im është i bardhë dhe i kuq, ai dallon ndër dhjetë mijë veta.
-
-
Sugerencias
Haga clic para leer Job 20-21