-
Leer por capítulos:
-
Bibla Shqiptare -
-
21
|Deuteronomio 14:21|
Nuk do të hani asnjë kafshë që ka ngordhur në mënyrë të natyrshme; mund t´ua jepni të huajve që janë brenda portave tuaja që t´i hanë ose mund t´ua shisni një të huaji, sepse ti je një popull që i je shenjtëruar Zotit, Perëndisë tënd. Nuk do ta gatuash kecin bashkë në qumështin e nënes së tij.
-
22
|Deuteronomio 14:22|
Do të zotohesh të japësh të dhjetën e asaj që mbjell dhe që të prodhon ara çdo vit.
-
23
|Deuteronomio 14:23|
Do të hash përpara Zotit, Perëndisë tënd, në vendin që ai ka zgjedhur si vendbanim për emrin e tij, të dhjetën e grurit tënd, të mushtit tënd, të vajit tënd, dhe pjelljen e parë të tufave të bagëtive të trasha dhe të imta, në mënyrë që ti të mësosh të kesh gjithnjë frikë nga Zoti, Perëndia yt.
-
24
|Deuteronomio 14:24|
Por në rast se rruga është shumë e gjatë për ty dhe nuk mund t´i çosh deri atje të dhjetat, sepse vendi që Zoti, Perëndia yt, ka caktuar për të vendosur emrin e tij është shumë larg nga ty, kur Zoti, Perëndia yt, do të të ketë bekuar,
-
25
|Deuteronomio 14:25|
atëherë do t´i këmbesh ato me para dhe me paratë në dorë do të shkosh në vendin që ka zgjedhur Zoti, Perëndia yt;
-
26
|Deuteronomio 14:26|
dhe do t´i përdorësh këto para për të blerë të gjitha ato që dëshiron zemra jote: lopë, dele, verë, pije dehëse, ose çfarëdo gjë që dëshiron zemra jote; dhe aty do të hash përpara Zotit, Perëndisë tënd, dhe do të gëzohesh ti bashkë me familjen tënde.
-
27
|Deuteronomio 14:27|
Përveç kësaj nuk do të lesh pas dore Levitin, që banon brenda portave të tua, sepse ai nuk ka pjesë as trashëgimi me ty.
-
28
|Deuteronomio 14:28|
Në fund të çdo tre viteve, do të vësh mënjanë të gjitha të dhjetat e prodhimeve të tua të vitit të tretë, dhe do t´i vendosësh brenda portave të tua;
-
29
|Deuteronomio 14:29|
dhe Leviti, që nuk ka pjesë as trashëgimi me ty, dhe i huaji, jetimi dhe e veja që gjenden brenda portave të tua, do të vinë, do të hanë dhe do të ngopen, me qëllim që Zoti, Perëndia yt, të të bekojë në çdo punë që do të të zërë dora".
-
-
Sugerencias
Haga clic para leer Job 20-21