-
Leer por capítulos:
-
Bibla Shqiptare -
-
1
|Deuteronomio 24:1|
"Kur një njeri merr një grua dhe martohet me të, dhe më vonë ndodh që ajo nuk e kënaq më, sepse ai ka gjetur në të diçka të turpshme, le të shkruajë një shkresë ndarjeje, t´ia japë në dorë dhe ta dëbojë nga shtëpia e saj;
-
2
|Deuteronomio 24:2|
në qoftë se ajo del nga shtëpia e saj dhe bëhet bashkëshorte e një burri tjetër,
-
3
|Deuteronomio 24:3|
në rast se bashkëshorti i fundit fillon ta urrejë, ai shkruan për të një shkresë ndarjeje, ia jep në dorë dhe e dëbon nga shtëpia e tij, ose në se bashkëshorti i fundit që e kishte marrë për grua vdes,
-
4
|Deuteronomio 24:4|
burri i parë që e kishte dëbuar nuk do të mund ta marrë përsëri për grua, pasi ajo është ndotur, sepse kemi të bëjmë me një akt të neveritshëm në sytë e Zotit; dhe ti nuk do ta njollosësh me mëkat vendin që Zoti, Perëndia yt, të jep si trashëgimi.
-
5
|Deuteronomio 24:5|
Në qoftë se një njeri është i porsamartuar, ai nuk do të shkojë në luftë dhe nuk do t´i ngarkohen detyra; ai do të jetë i lirë në shtëpinë e tij për një vit dhe do të bëjë të lumtur gruan me të cilën është martuar.
-
6
|Deuteronomio 24:6|
Asnjeri nuk do të marrë peng gurin e mokrës së poshtme apo atë të sipërme, sepse do të ishte njëlloj siur të merrte peng jetën e dikujt.
-
7
|Deuteronomio 24:7|
Në rast se kapet një njeri duke rrëmbyer një nga vëllezërit e tij ndër bijtë e Izraelit, dhe e trajton keq dhe e shet, ai rrëmbyes do të vritet; kështu do ta shkulësh të keqen nga gjiri yt.
-
8
|Deuteronomio 24:8|
Në raste lebre trego kujdes të madh dhe bëj gjithçka t´ju mësojnë priftërinjtë levitë; do të keni kujdes të veproni ashtu siç i kam urdhëruar.
-
9
|Deuteronomio 24:9|
Mbaj mend atë që Zoti, Perëndia yt, i bëri Miriamit gjatë udhëtimit, mbas daljes suaj nga Egjipti.
-
10
|Deuteronomio 24:10|
Kur i jep hua diçka të afërmit tënd nuk do të hysh në shtëpinë e tij për të marrë pengun e tij;
-
-
Sugerencias
Haga clic para leer 1 Crónicas 25-27