-
-
Bibla Shqiptare -
-
1
|Habacuc 3:1|
Lutja e profetit Habakuk mbi Shigionothin.
-
2
|Habacuc 3:2|
"O Zot, unë dëgjova të folurën tënde dhe kam frikë; o Zot, bëj që të ringjallet vepra jote gjatë viteve, bëje të njohur gjatë viteve. Në zemërim e sipër, kujtoje mëshirën.
-
3
|Habacuc 3:3|
Perëndia vinte nga Temani, i Shenjti nga mali Paran. Lavdia e tij mbulonte qiejt dhe toka ishte plot me lëvdimin e tij.
-
4
|Habacuc 3:4|
Shkëlqimi i tij ishte si drita, rreze si shkëndi dilnin nga dora e tij dhe aty fshihej fuqia e tij.
-
5
|Habacuc 3:5|
Para tij ecte murtaja dhe murtaja e ethshme ndiqte hapat e tij.
-
6
|Habacuc 3:6|
Ai ndalej dhe maste tokën, shikonte dhe i bënte kombet të dridheshin; malet e përjetshëm zhdukeshin, kodrat e lashta uleshin; rrugët e tij janë të përjetshme.
-
7
|Habacuc 3:7|
Unë i shikoja në dëshpërim çadrat e Kushanit, pavijonet e vendit të Madianit dridheshin.
-
8
|Habacuc 3:8|
O Zot, a merrte zjarr vallë zemërimi yt kundër lumenjve? A ishte zemërimi yt kundër lumenjve ose tërbimi yt kundër detit, kur shkoje hipur mbi kuajt e tu, mbi qerret e tua të fitores?
-
9
|Habacuc 3:9|
Ti e ke zbuluar plotësisht harkun tënd, sipas betimeve që ke bërë mbi shigjetat e tua. Ti e ke ndarë tokën me lumenjtë.
-
10
|Habacuc 3:10|
Malet të panë dhe u drodhën; uragani i ujit kaloi, humnera ka bërë të dëgjohet zëri i saj dhe ka ngritur duart lart.
-
-
Sugerencias
Haga clic para leer 1 Corintios 1-4