-
Leer por capítulos:
-
Bibla Shqiptare -
-
1
|Levítico 25:1|
Zoti i foli akoma Moisiut në malin Sinai, duke i thënë:
-
2
|Levítico 25:2|
"Folu bijve të Izraelit dhe u thuaj atyre: Kur do të hyni në vendin që unë po ju jap, toka do të respektojë një të shtunë pushimi për Zotin.
-
3
|Levítico 25:3|
Gjashtë vjet me radhë do të mbjellësh arën tënde, gjashtë vjet me radhë do të krasitësh vreshtin tënd dhe do të mbledhësh prodhimet;
-
4
|Levítico 25:4|
por viti i shtatë do të jetë një e shtunë pushimi për tokën, një e shtunë për nder të Zotit; nuk do të mbjellësh as arën tënde, as do të krasitësh vreshtin tënd.
-
5
|Levítico 25:5|
Nuk do të korrësh atë që rritet vetvetiu në prodhimin tënd dhe nuk do të vjelësh rrushin e vreshtit të pakrasitur; do të jetë një vit pushimi për tokën.
-
6
|Levítico 25:6|
Atë që toka do të prodhojë gjatë pushimit të saj do të shërbejë si ushqim për ty, për shërbëtorin ose shërbëtoren, për punëtorin tënd dhe për të huajin, me një fjalë për ata që banojnë me ty,
-
7
|Levítico 25:7|
për bagëtinë dhe kafshët që ndodhen në vendin tënd; tërë prodhimi i saj do të shërbejë si ushqim i tyre.
-
8
|Levítico 25:8|
Gjithashtu do të llogaritësh për vete shtatë të shtuna vitesh: shtatë herë shtatë vjet; këto shtatë javë vitesh do të bëjnë për ty një periudhë prej dyzet e nëntë vjetësh.
-
9
|Levítico 25:9|
Ditën e dhjetë të muajit të shtatë do t´i biesh burisë; ditën e shlyerjes do të bëni që të bjerë buria në të gjithë vendin.
-
10
|Levítico 25:10|
Dhe do të shenjtëroni vitin e pesëdhjetë dhe do shpallni në vend lirinë për të gjithë banorët e tij. Do të jetë për ju një jubile; secili prej jush do të kthehet në pronën e vet dhe secili prej jush do të kthehet në familjen e vet.
-
-
Sugerencias
Haga clic para leer Job 20-21