-
-
Xhosa -
-
19
|Lucas 11:19|
Ke ukuba mna ndizikhupha iidemon ngoBhelezebhule, bazikhupha ngabani na oonyana benu? Baya kuba ngabagwebi benu bona ngenxa yoko.
-
20
|Lucas 11:20|
Ke ukuba ndizikhupha iidemon ngomnwe kaThixo, ngoko bunifikele kanti ubukumkani bukaThixo.
-
21
|Lucas 11:21|
Xa lithi igorha lixhobe tu, lilinde ibhotwe lalo, impahla yalo ihlala inqabile;
-
22
|Lucas 11:22|
kodwa xa lithe elinamandla kunalo lalifikela, laleyisa, lilihlutha sonke isikrweqe salo elabe likholose ngaso, liwabe amaxhoba alo.
-
23
|Lucas 11:23|
Lowo ungengakum, uchasene nam; nalowo ungandibuthisiyo, uyachithachitha.
-
24
|Lucas 11:24|
Xa umoya ongcolileyo uthe waphuma emntwini, ucanda ezindaweni ezingenamanzi, ufuna ukuphumla; uze wakuba ungakufumani, usuke uthi, Ndiya kubuyela endlwini yam, endaphuma kuyo.
-
25
|Lucas 11:25|
Uthi wakufika, uyifumane itshayelwe, ivathisiwe.
-
26
|Lucas 11:26|
Wandule ukuya kuthabatha abanye oomoya abasixhenxe abangendawo kunawo, bangene ke bahlale khona; lize ikamva laloo mntu libe libi kunesiqalo.
-
27
|Lucas 11:27|
Ke kaloku kwathi, ekuzithetheni kwakhe ezi zinto, intokazi ethile yaliphakamisa izwi layo esihlweleni eso, yathi kuye, Sinoyolo isizalo esakubambayo, nambele owawanyayo.
-
28
|Lucas 11:28|
Uthe ke yena, Yithi kanye, Banoyolo abo balivayo ilizwi likaThixo baligcine.
-
-
Sugerencias
Haga clic para leer Jueces 11-12