-
-
Bibla Shqiptare -
-
1
|Oseas 10:1|
Izraeli ishte një vresht i harlisur, që jepte fryt për veten e tij; sa më tepër rritej fryti i tij, aq më tepër i shumonte altarët e tij; sa më i pasur ishte vendi i tij, aq më të bukura i bënte shtyllat e tij të shenjta.
-
2
|Oseas 10:2|
Zemra e tyre është gënjeshtare; tani do të marrin ndëshkimin për të. Ai do të rrëzojë altarët e tyre, do të shkatërrojë shtyllat e tyre të shenjta.
-
3
|Oseas 10:3|
Po, tani do të thonë: "Nuk kemi më mbret, sepse nuk kemi pasur frikë nga Zoti; por edhe mbreti çfarë do të mund të bënte për ne?".
-
4
|Oseas 10:4|
Thonë fjalë, betohen me të rreme kur lidhin besëlidhjen; prandaj ndëshkimi lulëzon si kukuta në brazdat e arave.
-
5
|Oseas 10:5|
Banorët e Samarisë do të drithërohen për viçin e Beth-avenit, sepse populli i tij do të mbajë zi për të dhe priftërinjtë e tij që gëzoheshin me të do të dridhen, mbasi lavdia u largua prej tij.
-
6
|Oseas 10:6|
Vetë idhullin do ta çojnë në Asiri si një dhuratë për mbretin mbrojtës. Efraimi do të turpërohet dhe Izraeli do të koritet për planet e tij.
-
7
|Oseas 10:7|
Sa për Samarinë, mbreti i saj do të zhduket si shkuma mbi ujë.
-
8
|Oseas 10:8|
Edhe vendet e larta të Avenit, mëkati i Izraelit, do të asgjësohen; ferra dhe gjemba do të rriten mbi altarët e tyre. Atëherë do t´u thonë maleve: "Na mbuloni!", dhe kodrave: "Na bini përsipër!".
-
9
|Oseas 10:9|
"Që nga ditët e Gibeahut ti ke mëkatuar, o Izrael. Atje u ndalën; në Gibeah beteja kundër të bijve të paudhësisë nuk i arriti.
-
10
|Oseas 10:10|
Kur të më pëlqejë, do t´i ndëshkoj; popujt do të mblidhen kundër tyre, kur t´i lidh për të dy paudhësitë e tyre.
-
-
Sugerencias
Haga clic para leer Job 20-21