-
-
Bibla Shqiptare -
-
1
|Oseas 11:1|
"Kur Izraeli ishte fëmijë, unë e desha dhe nga Egjipti thirra birin tim.
-
2
|Oseas 11:2|
Sa më shumë i thërrisnin profetët, aq më tepër janë larguar prej tyre, u kanë bërë flijime Baalëve dhe u kanë djegur temjan figurave të gdhendura.
-
3
|Oseas 11:3|
Unë vetë i mësova Efraimit të ecë, duke e mbajtur nga krahët; por ata nuk e kuptuan që unë po i shëroja.
-
4
|Oseas 11:4|
Unë i tërhiqja me litarë të dashamirësisë njerëzore, me lidhje dashurie; isha për ta si ai që e ngre zgjedhën nga qafa e tyre, dhe përulesha për t´u dhënë të hanë.
-
5
|Oseas 11:5|
Izraeli nuk do të kthehet në vendin e Egjipti; por Asiri do të jetë mbreti i tij, sepse nuk kanë pranuar të konvertohen.
-
6
|Oseas 11:6|
Shpata do të bjerë mbi qytetet e tij, do të shkatërrojë shufrat e tyre dhe do t´i hajë për shkak të planeve të tyre të këqija.
-
7
|Oseas 11:7|
Populli im synon të largohet nga unë; megjithatë e thërresin Shumë të Lartin, asnjë prej tyre nuk e përlëvdon.
-
8
|Oseas 11:8|
Si mund të të braktis, o Efraim, ose të të lë në dorë të të tjerëve, o Izrael? Si mund të të bëj si Admahu, ose të të katandis si Tseboimi? Zemra ime ngashërohet brenda meje, dhemshuria ime ndizet e tëra.
-
9
|Oseas 11:9|
Nuk do ta shfryj zemërimin tim të zjarrtë, nuk do të shkatërroj përsëri Efraimin, sepse jam një Perëndi dhe jo një njeri, i Shenjti midis teje dhe nuk do të vij me zemërim.
-
10
|Oseas 11:10|
Ata do të ndjekin Zotin, që do të vrumbullojë si një luan; kur do të vrumbullojë, bijtë e tij do të rendin drejt tij nga perëndimi duke u dridhur.
-
-
Sugerencias
Haga clic para leer Job 20-21