-
-
Bibla Shqiptare -
-
7
|Zacarías 3:7|
"Kështu thotë Zoti i ushtrive: Në qoftë se do të ecësh në rrugët e mia dhe do të respektosh ligjin tim, edhe ti do të kesh drejtimin e shtëpisë sime dhe do të ruash oborret e mia, dhe unë do të të lejoj të hysh lirisht midis këtyre që rrijnë këtu.
-
8
|Zacarías 3:8|
Dëgjo, pra, o Jozue, kryeprift, ti dhe shokët e tu që ulen përpara teje, sepse ata janë njerëz që japin paralajmërime. Ja, unë po të sjell këtu shërbëtorin tim, Filizin.
-
9
|Zacarías 3:9|
Ja guri që kam vënë përpara Jozueut: mbi këtë gur të vetëm ka shtatë sy; ja, unë do të gdhend mbishkrimin e tij", thotë Zoti i ushtrive, "dhe do ta heq paudhësinë e këtij vendi në një ditë të vetme.
-
10
|Zacarías 3:10|
Në atë ditë", thotë Zoti i ushtrive, "secili nga ju do të ftojë fqinjin e vet nën hardhinë e tij dhe nën fikun e tij".
-
1
|Zacarías 4:1|
Pastaj engjëlli që fliste me mua u kthye dhe më zgjoi ashtu si zgjojnë dikë nga gjumi.
-
2
|Zacarías 4:2|
Dhe më pyeti: "Çfarë po shikon?". U përgjigja: "Ja, po shikoj një shandan krejt prej ari dhe që ka në majë një enë, mbi të cilën janë shtatë llampa me shtatë tuba për shtatë llampat që janë në majë.
-
3
|Zacarías 4:3|
Afër tyre janë dy ullinj, një në të djathtën e enës dhe tjetri në të majtën e saj".
-
4
|Zacarías 4:4|
Kështu nisa t´i them engjëllit që fliste me mua: "Imzot, ç´kuptim kanë këto gjëra?".
-
5
|Zacarías 4:5|
Engjëlli që fliste me mua u përgjigj dhe më tha: "Nuk e kupton se ç´duan të thonë këto gjëra?". Unë i thashë: "Jo, imzot".
-
6
|Zacarías 4:6|
Atëherë ai, duke u përgjigjur, më tha: "Kjo është fjala e Zotit drejtuar Zorobabelit: Jo për fuqinë dhe as për forcën, por për Frymën time", thotë Zoti i ushtrive.
-
-
Sugerencias
Haga clic para leer Job 20-21