-
Leer por capítulos:
-
Xhosa -
-
1
|Hechos 3:1|
Ke kaloku, uPetros, noYohane babenyuka bendawonye, besiya etempileni ngexesha lomthandazo, ililixa lesithoba.
-
2
|Hechos 3:2|
Kwaye ke kuthwelwe ndoda ithile, ibisisiqhwala kwasekuzalweni kwayo, ababeyibeka imihla ngemihla emnyango wetempile, lowo kuthiwa Mhle, ukuba icele amalizo kwabangenayo etempileni;
-
3
|Hechos 3:3|
eyathi, yakubona uPetros noYohane beza kungena etempileni, yacela ukuba bayilize.
-
4
|Hechos 3:4|
Uthe ke uPetros, enoYohane, eqwalasele kuyo wathi, Khangela kuthi apha.
-
5
|Hechos 3:5|
Yabagqala ke, ilinde ukwamkela into kubo.
-
6
|Hechos 3:6|
Wathi ke uPetros, Isilivere negolide andinayo, kodwa endinako ndikunika khona: egameni likaYesu Kristu umNazarete, vuka uhambe.
-
7
|Hechos 3:7|
Wayibamba ngesandla sokunene, wayivusa; zomelezeka ke kwalapho iinyawo zayo namaqatha ayo.
-
8
|Hechos 3:8|
Yesuka umtsi, yema, yahambahamba, yangena nabo etempileni, ihambahamba itsiba, imdumisa uThixo.
-
9
|Hechos 3:9|
Baza bonke abantu bayibona ihambahamba, idumisa uThixo;
-
10
|Hechos 3:10|
bayazi nokuyazi, ukuba ingulowa ubehlalela amalizo eMnyango oMhle wetempile, bathi qhiphu umbilini, bathi nqa yiloo nto ihlileyo kuyo.
-
-
Sugerencias
Haga clic para leer 2 Corintios 5-7