-
Leer por capítulos:
-
Xhosa -
-
12
|Números 4:12|
Bothabatha yonke impahla yokulungiselela, abalungiselela ngayo engcweleni, bayibeke engutyeni ebalalimsi, bayigubungele ngesigubungelo sezikhumba zamahlengezi, bayibeke ethaleni.
-
13
|Números 4:13|
Boluwola uthuthu lwesibingelelo, batwabulule phezu kwaso ingubo emfusa;
-
14
|Números 4:14|
bazibeke phezu kwayo zonke iimpahla zaso, abalungiselela ngazo kuso: iingcedevu zamalahle, neefolokhwe, nemihlakulwana, nezitya zokutshiza, zonke iimpahla zesibingelelo, batwabulule phezu kwazo isigubungelo sezikhumba zamahlengezi, bafake izibonda zaso;
-
15
|Números 4:15|
bagqibe ooAron noonyana bakhe ukuyigubungela ingcwele nempahla yonke yengcwele ekundulukeni komkhosi eminqubeni. Emveni koko ke boza kuthwala oonyana bakaKehati; bangayichukumisi ingcwele, hleze bafe. Nguwo lowo umthwalo woonyana bakaKehati ententeni yokuhlangana.
-
16
|Números 4:16|
Isigxina sikaElazare, unyana ka-Aron, umbingeleli, kukugcina ioli yesikhanyiso, nesiqhumiso esimnandi, nomnikelo wokudla wamaxesha onke, neoli yokuthambisa, uvelelo lomnquba wonke nento yonke ekuwo engcweleni, nasezimpahleni zayo.
-
17
|Números 4:17|
Wathetha uYehova kuMoses nakuAron, esithi,
-
18
|Números 4:18|
Musani ukusinqumla isizwe esingumzalwana wakwaKehati phakathi kwabaLevi.
-
19
|Números 4:19|
Yenzani le nto kubo, ukuba baphile, bangafi ekusondeleni kwabo engcweleni kangcwele: bongena ooAron noonyana bakhe, babamise elowo emsebenzini wakhe nasemthwalweni wakhe;
-
20
|Números 4:20|
bangangeni bakhangele ingcwele, nangephanyazo eli, hleze bafe.
-
21
|Números 4:21|
Wathetha uYehova kuMoses, esithi,
-
-
Sugerencias
Haga clic para leer 2 Corintios 5-7