-
-
Bibla Shqiptare -
-
15
|Eclesiastés 4:15|
I pashë tërë të gjallët që ecnin nën diell për t´u bashkuar me të riun, që shkon të zërë vendin e tjetrit.
-
16
|Eclesiastés 4:16|
Ishte i panumërt gjithë populli, gjithë ata që kishin qenë para tyre. Megjithatë ata që do të vijnë më pas nuk do të jenë të kënaqur prej tij! Edhe kjo është kotësi dhe një përpjekje për të kapur erën.
-
1
|Eclesiastés 5:1|
Ki kujdes hapat e tua kur shkon te shtëpia e Perëndisë; afrohu për të dëgjuar në vend që të ofrosh flijimin e budallenjve, të cilët as nuk dinë që veprojnë keq.
-
2
|Eclesiastés 5:2|
Mos u nxito me gojën tënde, dhe zemra jote të mos shpejtohet të thotë asnjë fjalë përpara Perëndisë, sepse Perëndia është në qiell dhe ti mbi tokë; prandaj fjalët e tua të jenë të pakta.
-
3
|Eclesiastés 5:3|
Sepse nga punët e shumta vijnë ëndrrat, dhe nga fjalët e shumta zëri i budallait.
-
4
|Eclesiastés 5:4|
Kur i ke bërë një zotim Perëndisë mos humb kohë ta plotësosh, sepse ai nuk kënaqet me budallenjtë; plotëso zotimin që ke marrë.
-
5
|Eclesiastés 5:5|
Më mirë të mos marrësh zotime se sa t´i bësh dhe të mos i plotësosh.
-
6
|Eclesiastés 5:6|
Mos lejo që goja jote ta çojë trupin tënd të mëkatojë dhe mos thuaj para lajmëtarit të Perëndisë: "Ka qenë gabim". Pse Perëndia duhet të zemërohej me fjalët e tua dhe të shkatërronte veprën e duarve të tua?
-
7
|Eclesiastés 5:7|
Sepse në ëndrrat e shumta dhe në fjalët e shumta ka kotësi; por ti ke frikë nga Perëndia.
-
8
|Eclesiastés 5:8|
Në rast se në provincë sheh shtypjen e të varfërit dhe shkeljen me dhunë të së drejtës dhe të drejtësisë, mos u habit nga kjo gjë; sepse mbi një pushtet të lartë ndodhet një më i lartë dhe mbi ta disa pushtete akoma më të larta.
-
-
Sugerencias
Haga clic para leer Job 20-21