-
-
Xhosa -
-
8
|1 Reyes 2:8|
Uyabona, unawe uShimehi unyana kaGera, umBhenjamin, waseBhahurim; yena wanditshabhisa ngotshabhiso olukhulu, mini ndaya eMahanayim. Yena ke wehla weza kundikhawulela eYordan, ndamfungela uYehova, ndathi, Andiyi kukubulala ngekrele.
-
9
|1 Reyes 2:9|
Ngoko uze ungamenzi omsulwa, ngokuba uyindoda elumkileyo wena; uze ukwazi oko uya kukwenza kuye; uzihlisele kwelabafileyo zinegazi izimvi zakhe.
-
10
|1 Reyes 2:10|
Walala ke uDavide kooyise, wangcwatyelwa emzini kaDavide.
-
11
|1 Reyes 2:11|
Ke imihla abengukumkani kumaSirayeli uDavide ibingamashumi omane eminyaka; eHebron wayengukumkani iminyaka esixhenxe; eYerusalem wayengukumkani iminyaka emashumi mathathu anamithathu.
-
12
|1 Reyes 2:12|
Wahlala ke uSolomon etroneni kaDavide uyise; baqiniseka kunene ubukumkani bakhe.
-
13
|1 Reyes 2:13|
Ke kaloku waya uAdoniya, unyana kaHagiti, kuBhatshebha unina kaSolomon. Wathi yena, Uza ngoxolo na? Wathi, Ngoxolo.
-
14
|1 Reyes 2:14|
Wathi, Ndinelizwi nawe. Wathi, Thetha.
-
15
|1 Reyes 2:15|
Wathi, Uyazi wena ukuba bebubobam ubukumkani, abe ebubhekise kum ubuso bawo onke amaSirayeli, ukuba ndibe ngukumkani. Bathi guququ ubukumkani, baba bobomninawa wam; ngokuba baba bobakhe, buphuma kuYehova.
-
16
|1 Reyes 2:16|
Kungokunje ndicela nto-nye kuwe, uze ungandilanduleli.
-
17
|1 Reyes 2:17|
Wathi kuye, Thetha. Wathi ke, Khawuthethe noSolomon ukumkani, ngokuba akayi kukulandulela, andinike uAbhishagi waseShunem, abe ngumkam.
-
-
Sugerencias
Haga clic para leer Job 18-19