-
Leer por capítulos:
-
Bibla Shqiptare -
-
8
|Éxodo 7:8|
Zoti i foli Moisiut dhe Aaronit, duke u thënë:
-
9
|Éxodo 7:9|
"Kur Faraoni t´ju flasë dhe t´ju thotë: "Bëni një mrekulli", ti do t´i thuash Aaronit: "Merr bastunin tënd dhe hidhe para Faraonit, që të bëhet gjarpër"".
-
10
|Éxodo 7:10|
Moisiu dhe Aaroni vajtën pra te Faraoni dhe vepruan ashtu, pikërisht siç i kishte urdhëruar Zoti. Aaroni e hodhi bastunin e tij përpara Faraonit dhe shërbëtorëve të tij, dhe ai u bë gjarpër.
-
11
|Éxodo 7:11|
Atëherë edhe Faraoni thirri të diturit dhe yshtësit; dhe magjistarët e Egjiptit me artin e tyre të fshehtë bënë edhe ata të njëjtën gjë.
-
12
|Éxodo 7:12|
Secili prej tyre hodhi bastunin e tij, dhe bastunët u bënë gjarpërinj; por bastuni i Aaronit i përpiu bastunët e tyre.
-
13
|Éxodo 7:13|
Por zemra e Faraonit u ngurtësua dhe ai nuk i dëgjoi ata, ashtu siç kishte thënë Zoti.
-
14
|Éxodo 7:14|
Zoti i tha Moisiut: "Zemra e Faraonit është ngulmuese;
-
15
|Éxodo 7:15|
ai nuk pranon ta lërë popullin të shkojë. Shko te Faraoni nesër në mëngjes, kur ai ka për të dalë për të vajtur drejt ujit. Ti do të qëndrosh ta presësh në breg të lumit dhe do të marrësh në dorë bastunin që është shndërruar në gjarpër.
-
16
|Éxodo 7:16|
Dhe do t´i thuash: "Zoti, Perëndia i Hebrenjve, më ka dërguar te ti që të të them: Lëre popullin tim të shkojë që të më shërbejë në shkretëtirë; por ja, deri tani nuk ke dëgjuar".
-
17
|Éxodo 7:17|
Kështu thotë Zoti: "Nga kjo do të kuptosh që unë jam Zoti; ja, me bastunin që kam në dorë unë do të rrah ujërat që janë në lumë, dhe ato do të shndërrohen në gjak.
-
-
Sugerencias
Haga clic para leer Job 22-24