-
Leer por capítulos:
-
Bibla Shqiptare -
-
1
|Éxodo 12:1|
Zoti u foli Moisiut dhe Aaronit në vendin e Egjiptit, duke u thënë:
-
2
|Éxodo 12:2|
"Ky muaj do të jetë për ju muaji më i rëndësishëm, do të jetë për ju muaji i parë i vitit.
-
3
|Éxodo 12:3|
I thoni gjithë asamblesë së Izraelit: "Ditën e dhjetë të këtij muaji, çdo burrë të marrë për vete një qengj, sipas madhësisë së familjes të të atit, një qengj për shtëpi.
-
4
|Éxodo 12:4|
Por në qoftë se shtëpia është tepër e vogël për një qengj, le të marrë një së bashku me fqinjin më të afërt, duke llogaritur numrin e personave; ju do të përcaktoni sasinë e qengjit të nevojshëm, në bazë të asaj që çdonjëri mund tëhajë.
-
5
|Éxodo 12:5|
Qengji juaj duhet të jetë pa të meta, mashkull, motak; mund të merrni një qengj ose një kec.
-
6
|Éxodo 12:6|
Do ta ruani deri në ditën e katërmbëdhjetë të këtij muaji, dhe tërë asambleja e popullit të Izraelit do ta therë atë në të ngrysur.
-
7
|Éxodo 12:7|
Pastaj do të marrin nga ai gjak dhe do ta vënë mbi dy shtalkat dhe mbi arkitraun e shtëpive ku do ta hanë.
-
8
|Éxodo 12:8|
Do të hanë mishin e pjekur në zjarr, po atë natë, do ta hanë atë me bukë pa maja dhe me barishte të hidhura.
-
9
|Éxodo 12:9|
Nuk do të hani fare mish të gjallë apo të zier në ujë, por të pjekur në zjarr me kokën, këmbët dhe të brendshmet.
-
10
|Éxodo 12:10|
Dhe nuk do të lini asnjë mbetje deri në mëngjes; dhe ç´të mbetet deri në mëngjes, do ta digjni në zjarr.
-
-
Sugerencias
Haga clic para leer 1 Corintios 8-10