-
Leer por capítulos:
-
Bibla Shqiptare -
-
1
|Jeremías 16:1|
Fjala e Zotit m´u drejtua, duke thënë:
-
2
|Jeremías 16:2|
"Mos merr grua dhe mos ki bij e bija në këtë vend".
-
3
|Jeremías 16:3|
Sepse kështu thotë Zoti për bijtë dhe bijat që kanë lindur në këtë vend dhe për nënat që i kanë pjellë dhe për etërit që i kanë zënë në këtë vend:
-
4
|Jeremías 16:4|
"Ata do të vdesin nga një vdekje rrëqethëse; nuk do të qahen dhe nuk do të varrosen, por do t´i lënë si pleh mbi faqen e dheut; do të shfarosen nga shpata dhe nga uria, dhe kufomat e tyre do të shërbejnë si ushqim për shpendët e qiellit dhe për kafshët e tokës".
-
5
|Jeremías 16:5|
Sepse kështu thotë Zoti: "Mos hyni në shtëpinë e zisë dhe mos shkoni për ngushëllime dhe për t´i vajtuar, sepse unë kam hequr nga ky popull paqen time, mirësinë time dhe mëshirën time", thotë Zoti.
-
6
|Jeremías 16:6|
"Të mëdhenj dhe të vegjël do të vdesin në këtë vend; nuk do të varrosen as do të mbahet zia për ata, nuk do të bëhen prerje as qethje flokësh për ta.
-
7
|Jeremías 16:7|
Nuk do të thyhet buka për ata që mbajnë zi për t´i ngushëlluar për një të vdekur dhe nuk do t´u jepet për të pirë gota e ngushëllimit për atin e tyre dhe nënën e tyre.
-
8
|Jeremías 16:8|
Mos hyni as në një shtëpi banketi për t´u ulur bashkë me ta për të ngrënë dhe për të pirë".
-
9
|Jeremías 16:9|
Sepse kështu thotë Zoti i ushtrive, Perëndia i Izraelit: "Ja, unë do të bëj që të pushojë në këtë vend, para syve tuaj dhe në ditët tuaja, britma e gëzimit dhe britma e ngazëllimit, zëri i dhëndrit dhe zëri i nuses.
-
10
|Jeremías 16:10|
Dhe ka për të ndodhur që kur t´i shpallësh këtij populli tërë këto gjëra, do të të thonë: "Pse Zoti ka shqiptuar kundër nesh tërë këtë mjerim të madh? Cila është paudhësia jonë? Cili është mëkati që kemi kryer kundër Zotit, Perëndisë tonë?".
-
-
Sugerencias
Haga clic para leer Job 20-21