-
Leer por capítulos:
-
Bibla Shqiptare -
-
1
|Jeremías 27:1|
Në fillim të mbretërimit të Jehojakimit, birit të Josias, mbret i Judës, kjo fjalë iu drejtua Jeremias nga Zoti:
-
2
|Jeremías 27:2|
"Kështu më ka thënë Zoti: Bëj lidhje dhe krijo zgjedhë dhe vari mbi qafën tënde;
-
3
|Jeremías 27:3|
pastaj ia dërgo mbretit Edom, mbretit të Moabit, mbretit të bijve të Amonit, mbretit të Tiros dhe mbretit të Sidonit, me anë të ambasadorëve të Sedekias, mbretit të Judës, të ardhur në Jeruzalem;
-
4
|Jeremías 27:4|
dhe jepu urdhër që t´u thonë kështu zotërive të tyre: "Kështu thotë Zoti i ushtrive, Perëndia i Izraelit: Kështu do t´u thoni zotërive tuaj:
-
5
|Jeremías 27:5|
Unë kam bërë tokën, njerëzit dhe kafshët që janë mbi faqen e dheut, me fuqinë time të madhe dhe me krahun tim të shtrirë, dhe ia jap atij që më duket i mirë në sytë e mi.
-
6
|Jeremías 27:6|
Dhe tani tërë këto vende ia kam dhënë në dorë Nebukadnetsarit, mbretit të Babilonisë, shërbëtorit tim; atij i kam dhënë gjithashtu kafshët e fshatrave që t´i shërbejnë.
-
7
|Jeremías 27:7|
Kështu tërë kombet do t´i shërbejnë atij, birit të tij dhe birit të birit të tij, deri sa të vijë koha edhe për vendin e tij; atëherë shumë kombe me mbretër të fuqishëm do ta katandisin në robëri.
-
8
|Jeremías 27:8|
Dhe do të ndodhë që kombi ose mbretëria që nuk do të dëshirojë t´i shërbejë atij, Nebukadnetsarit, mbretit të Babilonisë, dhe ta vërë qafën e tij nën zgjedhën e mbretit të Babilonisë, atë komb unë do ta dënoj"", thotë Zoti, "me shpatën, me urinë dhe me murtajën, deri sa t´i kem shfarosur me dorë të tij.
-
9
|Jeremías 27:9|
Prandaj mos dëgjoni profetët tuaj, as shortarët tuaj, as ata që shikojnë ëndrra, as magjistarët tuaj që ju thonë: "Nuk do të robëroheni nga mbreti i Babilonisë!".
-
10
|Jeremías 27:10|
Po, ata ju profetizojnë gënjeshtra që t´ju largojnë nga vendi juaj, që unë t´ju shpërndaj dhe ju të vdisni.
-
-
Sugerencias
Haga clic para leer Job 20-21