-
Leer por capítulos:
-
Bibla Shqiptare -
-
1
|Jeremías 21:1|
Fjala që iu drejtua Jeremias nga Zoti, kur mbreti Sedekia i dërgoi Pashhurin, birin e Malkiahut dhe Sofonien, birin e Malklahut, priftit, për t´i thënë:
-
2
|Jeremías 21:2|
"Konsulto, pra, për ne Zotin, sepse Nebukadnetsari, mbreti i Babilonisë, bën luftë kundër nesh. Ndofta Zoti do të veprojë me ne sipas të gjitha mrekullive të tij, dhe ai do të tërhiqet nga ne".
-
3
|Jeremías 21:3|
Atëherë Jeremia u tha atyre: "Do t´i thoni kështu Sekedias:
-
4
|Jeremías 21:4|
Kështu thotë Zoti, Perëndia i Izraelit: Ja, unë do të bëj që të tërhiqen armët e luftës që janë në duart tuaja, me të cilat po luftoni kundër mbretit të Babilonisë, kundër Kaldeasve që ju rrethojnë jashtë mureve, dhe do t´i grumbulloj në mes të këtij qyteti.
-
5
|Jeremías 21:5|
Unë vetë do të luftoj kundër jush me dorën e shtrirë dhe me krahë të fuqishëm, me zemërim, me tërbim dhe me indinjatë të madhe.
-
6
|Jeremías 21:6|
Do t´i qëlloj banorët e këtij qyteti, si njerëzit ashtu edhe kafshët; ata do të vdesin nga një murtajë e madhe.
-
7
|Jeremías 21:7|
Mbas kësaj", thotë Zoti, "do të jap Sedekian, mbretin e Judës, dhe shërbëtorët e tij, popullin dhe ata që në këtë qytet do të kenë shpëtuar nga murtaja, nga shpata nga uria, në dorë të Nebukadnetsarit, mbretit të Babilonisë, në dorë të armiqve të tyre dhe në dorë të atyre që kërkojnë jetën e tyre. Ai do t´i vrasë me shpatë: nuk ka për t´i falur, as nuk do t´i vijë keq dhe as nuk do të ketë mëshirë për ta.
-
8
|Jeremías 21:8|
Dhe këtij populli do t´i thuash: Kështu thotë Zoti: Ja, unë vë para jush rrugën e jetës dhe rrugën e vdekjes.
-
9
|Jeremías 21:9|
Ai që mbetet në këtë qytet ka për të vdekur nga shpata, nga uria dhe nga murtaja; por ai që ka për të dalë dhe do t´u dorëzohet Kaldeasve që ju rrethojnë ka për të jetuar dhe do të ketë si pre jetën e tij.
-
10
|Jeremías 21:10|
Sepse unë e kam kthyer fytyrën time kundër këtij qyteti për fat të keq dhe jo për të mirë", thotë Zoti. "Ai do t´i jepet në dorë mbretit të Babilonisë dhe ai do ta djegë me zjarr".
-
-
Sugerencias
Haga clic para leer 2 Corintios 5-7