-
Leer por capítulos:
-
Bibla Shqiptare -
-
21
|Jeremías 31:21|
"Ngreh për vete disa trungje, bëj disa shtylla treguese, ki shumë kujdes për rrugën, për udhën që ke ndjekur. Kthehu, o virgjëreshë e Izraelit, kthehu në këto qytete të tua.
-
22
|Jeremías 31:22|
Deri kur do të shkosh duke u endur, o bijë rebele? Sepse Zoti krijon një gjë të re mbi tokë: gruan që kërkon ta bëjë për vete burrin".
-
23
|Jeremías 31:23|
Kështu thotë Zoti i ushtrive, Perëndia i Izraelit: "Do të thuhet ende kjo fjalë në vendin e Judës dhe në qytetet e veta, kur t´i kem kthyer ata nga robëria: "Zoti të bekoftë, o seli e drejtësisë, o mal i shenjtërisë!".
-
24
|Jeremías 31:24|
Aty do të banojnë Juda dhe të gjitha qytetet e tij bashkë, bujqit dhe ata që drejtojnë kopetë.
-
25
|Jeremías 31:25|
Sepse unë do të ngij shpirtin e lodhur dhe do të plotësoj çdo shpirt që vuan".
-
26
|Jeremías 31:26|
Pas kësaj unë u zgjova dhe vështrova, dhe gjumi im qe i ëmbël.
-
27
|Jeremías 31:27|
"Ja, do të vijnë ditët", thotë Zoti, "në të cilat do të mbjell shtëpinë e Izraelit dhe shtëpinë e Judës me farë njerëzish dhe me farë kafshësh.
-
28
|Jeremías 31:28|
Dhe do të ndodhë që ashtu si jam kujdesur për ta për të çrrënjosur, për të shembur dhe për të rrëzuar, për të shkatërruar dhe për të bërë të keqen, po ashtu do të kujdesem për ta për të ndërtuar dhe për të mbjellë", thotë Zoti.
-
29
|Jeremías 31:29|
"Në ato ditë nuk do të thuhet më: "Etërit kanë ngrënë rrush të papjekur dhe dhëmbët e bijve mbetën të mpirë".
-
30
|Jeremías 31:30|
Por secili do të vdesë për paudhësinë e tij; kushdo që ha rrush të papjekur do t´i mpihen majat e dhëmbëve.
-
-
Sugerencias
Haga clic para leer Job 20-21