-
-
Esperanto -
-
1
|Eclesiastés 11:1|
Elsendu vian panon sur la akvon; cxar post longa tempo vi gxin retrovos.
-
2
|Eclesiastés 11:2|
Donu parton al sep, kaj ecx al ok, cxar vi ne scias, cxu ne estos malfelicxo sur la tero.
-
3
|Eclesiastés 11:3|
Kiam la nuboj plenigxos, ili versxos pluvon sur la teron, kaj se falos arbo suden aux norden, gxi tie restos, kien gxi falis.
-
4
|Eclesiastés 11:4|
Kiu observas la venton, tiu ne semos; kaj kiu rigardas la nubojn, tiu ne rikoltos.
-
5
|Eclesiastés 11:5|
Kiel vi ne scias, kian vojon iros la vento, kaj kiel formigxas la ostoj en la ventro de gravedulino, tiel vi ne povas scii la faron de Dio, kiu cxion faras.
-
6
|Eclesiastés 11:6|
Matene semu vian semon, kaj vespere via mano ne ripozu; cxar vi ne scias, cxu tio aux alio estos pli gxusta, aux cxu ambaux egale estos bonaj.
-
7
|Eclesiastés 11:7|
Agrabla estas la lumo, kaj bone estas al la okuloj vidi la sunon.
-
8
|Eclesiastés 11:8|
CXar se ecx multajn jarojn homo vivus, li gxoju en ili cxiuj; kaj li memoru pri la tagoj mallumaj, cxar estos multe da ili; cxio, kio venos, estas vantajxo.
-
9
|Eclesiastés 11:9|
GXoju, junulo, en via infaneco; kaj via koro gxuu plezuron en la tagoj de via juneco, kaj iru, kien kondukas vin via koro kaj kien rigardas viaj okuloj; sed sciu, ke pri cxio cxi tio Dio venigos vin al jugxo.
-
10
|Eclesiastés 11:10|
Tial forpelu malgxojon de via koro, kaj forigu malagrablajxon de via korpo; cxar la infaneco kaj la juneco estas vantajxo.
-
-
Sugerencias
Haga clic para leer 2 Crónicas 10-13