-
Leer por capítulos:
-
Bibla Shqiptare -
-
1
|Isaías 35:1|
Shkretëtira dhe toka e thatë do të gëzohen, vetmia do të gëzohet dhe do të lulëzojë si trëndafili;
-
2
|Isaías 35:2|
do të lulëzojë shumë dhe do të ngazëllojë me hare dhe britma gëzimi. Do t´u jepet lavdia e Libanit, madhështia e Karmelit dhe e Sharonit. Ata do të shohin lavdinë e Zotit, madhështinë e Perëndisë tonë.
-
3
|Isaías 35:3|
Forconi duart e dobësuara, bëjini të qëndrueshëm gjunjët e pasigurt!
-
4
|Isaías 35:4|
U thoni atyre që e kanë humbur zemrën: "Bëhuni të fortë, mos kini frikë!". Ja, Perëndia juaj do të vijë me hakmarrjen dhe me shpërblimin e Perëndisë; do të vijë ai vetë për t´ju shpëtuar.
-
5
|Isaías 35:5|
Atëherë do të hapen sytë e të verbërve dhe veshët e të shurdhëve;
-
6
|Isaías 35:6|
atëherë çalamani do të kërcejë si një dre dhe gjuha e memecit do të bërtasë nga gëzimi, sepse do të dalin ujëra në shkretëtirë dhe përrenj në vendin e vetmuar.
-
7
|Isaías 35:7|
Vendi i thatë do të bëhet pellg dhe toka e etur për ujë burim ujërash; në vendet ku shtriheshin çakejtë do të ketë bar me kallamishte dhe xunkth.
-
8
|Isaías 35:8|
Aty do të jetë rruga kryesore, një rrugë që do të quhet "rruga e shenjtë"; asnjë i papastër nuk do të kalojë nëpër të; ajo do të jetë vetëm për ata që e ndjekin; edhe mendjeshkurtërit nuk do të mund të humbasin.
-
9
|Isaías 35:9|
Luani nuk do të jetë më, as edhe ndonjë bishë e egër nuk do të dalë aty ose nuk do të duket, por do të ecin të çliruarit.
-
10
|Isaías 35:10|
Të shpëtuarit nga Zoti do të kthehen, do të vijnë në Sion me britma gëzimi dhe një hare e përjetshme do të kurorëzojë kokën e tyre; do të kenë gëzim dhe lumturi, dhe dhembja e rënkimi do të ikin.
-
-
Sugerencias
Haga clic para leer 1 Corintios 8-10