-
Leer por capítulos:
-
Bibla Shqiptare -
-
1
|Isaías 46:1|
Beli ka rënë, Nebo është rrëzuar; idhujt e tyre i kanë çuar tutje me kafshë barre dhe me pela; gjërat që ju transportonit janë ngarkuar si pesha të rënda për kafshët e lodhura.
-
2
|Isaías 46:2|
Janë shembur, kanë rënë bashkë; nuk kanë mundur të shpëtojnë ngarkesën, por ata vetë kanë shkuar në robëri.
-
3
|Isaías 46:3|
"Dëgjomëni, o shtëpi e Jakobit, dhe tërë mbetja e shtëpisë së Izraelit, që ju kam përkrahur që kur keni lindur, që jeni mbajtur nga unë qysh në bark të nënës;
-
4
|Isaías 46:4|
"Deri në pleqërinë tuaj unë do të mbetem po ai, unë do t´ju mbaj deri sa të thinjeni. Unë ju kam bërë dhe unë do t´ju përkrah; po, do t´ju mbaj dhe do t´ju shpëtoj".
-
5
|Isaías 46:5|
Me cilin doni të më barazoni, me cilin doni të më krahasoni që mund të jemi të njëllojtë?
-
6
|Isaías 46:6|
Këta harxhojnë arin e çantës dhe peshojnë argjendin me peshore, paguajnë një argjendar që me to të sajojë një perëndi; pastaj bien përmbys para tij dhe e adhurojnë.
-
7
|Isaías 46:7|
E ngarkojnë mbi kurriz dhe e mbartin, e vënë në vendin e tij dhe mbetet atje; nga vendi i tij nuk lëvizet më. Edhe sikur dikush t´i thërrasë atij, ai nuk i përgjigjet as e shpëton nga fatkeqësia e tij.
-
8
|Isaías 46:8|
Kujtoni këtë dhe tregohuni burra! Silleni atë ndërmend, o shkelës.
-
9
|Isaías 46:9|
Kujtoni gjërat e kaluara të kohëve shumë të vjetra, sepse unë jam Perëndia dhe nuk ka asnjë tjetër; jam Perëndia dhe askush nuk më ngjet mua,
-
10
|Isaías 46:10|
që shpall fundin që në fillim, dhe shumë kohë më parë gjërat që ende nuk janë bërë, duke thënë: "Plani im do të realizohet dhe do të bëj gjithçka më pëlqen",
-
-
Sugerencias
Haga clic para leer Juan 16-18