-
Leer por capítulos:
-
Bibla Shqiptare -
-
1
|Génesis 11:1|
Por tërë toka fliste të njëjtën gjuhë dhe përdorte të njëjtat fjalë.
-
2
|Génesis 11:2|
Dhe ndodhi që, ndërsa po zhvendoseshin në drejtim të jugut, ata gjetën një fushë në vendin e Shinarit dhe u vendosën atje.
-
3
|Génesis 11:3|
Dhe i thanë njëri tjetrit: "O burra, të bëjmë tulla dhe t´i pjekim me zjarr!". Dhe përdorën tulla në vend të gurëve dhe bitum në vend të llaçit.
-
4
|Génesis 11:4|
Dhe thanë: "O burra, të ndërtojmë për vete një qytet dhe një kullë maja e së cilës të arrijë deri në qiell, dhe t´i bëjmë një emër vetes që të mos shpërndahemi mbi faqen e tërë dheut".
-
5
|Génesis 11:5|
Por Zoti zbriti për të parë qytetin dhe kullën që bijtë e njerëzve ishin duke ndërtuar.
-
6
|Génesis 11:6|
Dhe Zoti tha: "Ja, ata janë një popull i vetëm dhe kanë të gjithë të njëjtën gjuhë; dhe kjo është ajo që ata filluan të bëjnë; tani asgjë nuk ka për t´i penguar ata të përfundojnë atë që kanë ndërmend të bëjnë.
-
7
|Génesis 11:7|
O burra, të zbresim pra atje poshtë dhe të ngatërrojmë gjuhën e tyre, në mënyrë që njëri të mos kuptojë të folurën e tjetrit".
-
8
|Génesis 11:8|
Kështu Zoti i shpërndau mbi faqen e tërë dheut dhe ata pushuan së ndërtuari qytetin.
-
9
|Génesis 11:9|
Prandaj këtij vendi iu dha emri i Babelit, sepse Zoti aty ngatërroi gjuhën e tërë dheut dhe i shpërndau mbi tërë faqen e dheut.
-
10
|Génesis 11:10|
Këta janë pasardhësit e Semit. Në moshën njëqind vjeç Semit i lindi Arpakshadi, pikërisht dy vjet pas përmbytjes.
-
-
Sugerencias
Haga clic para leer 1 Crónicas 25-27