-
Leer por capítulos:
-
Bibla Shqiptare -
-
1
|Génesis 44:1|
Jozefi i dha këtë urdhër kryeshërbëtorit të shtëpisë së tij: "Mbushi trastat e këtyre njerëzve me aq ushqime sa mund të mbajnë dhe vëri paratë e secilit në grykën e çdo traste.
-
2
|Génesis 44:2|
Përveç kësaj vëre kupën time, kupën prej argjëndi, në grykën e trastës të më të riut, bashkë me paratë e grurit të tij". Dhe ai bëri ashtu siç i tha Jozefi.
-
3
|Génesis 44:3|
Në mëngjes, sa u bë ditë, i nisën ata njerëz me gomarët e tyre.
-
4
|Génesis 44:4|
Sapo kishin dalë nga qyteti dhe nuk ishin akoma larg, kur Jozefi i tha kryeshërbëtorit të shtëpisë së tij: "Çohu, ndiqi ata njerëz dhe kur t´i kesh arritur, thuaju atyre: "Pse e shpërblyet të mirën me të keqe?
-
5
|Génesis 44:5|
A nuk është ajo kupa me të cilën pi zotëria im dhe që e përdor për të parathënë të ardhmen? Keni vepruar keq duke u sjellë kështu"".
-
6
|Génesis 44:6|
Ai i arriti ata dhe u tha këto fjalë.
-
7
|Génesis 44:7|
Atëherë ata iu përgjegjën: "Pse zotëria im na drejton fjalë si këto? Shërbyesit e tu duhet t´i shmangen një qëndrimi të tillë!
-
8
|Génesis 44:8|
Ja, pra, ne të kemi rikthyer nga vendi i Kanaanit paratë që kishim gjetur në grykën e trastave tona; si mund të vidhnim argjend ose flori nga shtëpia e zotërisë tënd?
-
9
|Génesis 44:9|
Ai prej shërbëtorëve të tu të cilit do t´i gjendet kupa, të dënohet me vdekje; edhe gjithashtu ne do të bëhemi skllevër të zotërisë tënd".
-
10
|Génesis 44:10|
Ai tha: "Mirë, pra, le të bëhet si thoni ju: ai të cilit do t´i gjendet kupa do të bëhet skllavi im dhe ju do të jeni të pafaj".
-
-
Sugerencias
Haga clic para leer 2 Corintios 5-7