-
Leer por capítulos:
-
Bibla Shqiptare -
-
1
|Génesis 47:1|
Jozefi shkoi, pra, të njoftojë Faraonin dhe i tha: "Ati im dhe vëllezërit e mi, me gjithë kopetë e tyre, të bagëtive të imta dhe të trasha dhe me gjithçka kanë, kanë ardhur nga vendi i Kanaanit; dhe ja, tani ndodhen në vendin e Goshenit".
-
2
|Génesis 47:2|
Pastaj mori pesë nga vëllezërit e tij dhe ia paraqiti Faraonit.
-
3
|Génesis 47:3|
Atëherë Faraoni u tha vëllezërve të Jozefit: "Me ç´punë merreni?". Ata iu përgjigjën Faraonit: "Shërbëtorët e tu janë barinj, si ne ashtu dhe etërit tanë".
-
4
|Génesis 47:4|
Pastaj i thanë Faraonit: "Kemi ardhur për të banuar në këtë vend, sepse nuk kishte më kullota për kopetë e shërbëtorëve të tu, sepse ka zi të madhe në vendin e Kanaanit. Lejona tani që shërbëtorët e tu të banojnë në vendin e Goshenit".
-
5
|Génesis 47:5|
Atëherë Faraoni ia drejtoi fjalën Jozefit, duke i thënë: "Ati yt dhe vëllezërit e tu erdhën te ti;
-
6
|Génesis 47:6|
vendi i Egjiptit është në dispozicionin tënd; bëj që ati yt dhe vëllezërit e tu të banojnë në pjesën më të mirë të vendit; le të banojnë edhe në vendin e Goshenit. Dhe në qoftë se ti di që midis tyre ka njerëz të zotë, caktoji kryeintendentë të bagëtisë sime".
-
7
|Génesis 47:7|
Pastaj Jozefi e çoi Jakobin, atin e tij, te Faraoni dhe ia paraqiti. Dhe Jakobi bekoi Faraonin.
-
8
|Génesis 47:8|
Atëherë Faraoni i tha Jakobit: "Sa vjet ke që jeton?".
-
9
|Génesis 47:9|
Jakobi iu përgjegj Faraonit: "Vitet e shtegtimit tim janë njëqind e tridhjetë; vitet e jetës sime kanë qenë të pakta dhe të këqija, dhe nuk e kanë arritur numrin e viteve të jetës së etërve të mi, në ditët e shtegtimit të tyre".
-
10
|Génesis 47:10|
Jakobi e bekoi përsëri Faraonin dhe u largua nga prania e Faraonit.
-
-
Sugerencias
Haga clic para leer 1 Corintios 11-13