-
Leer por capítulos:
-
Xhosa -
-
1
|Isaías 44:1|
Kaloku ke yiva, Yakobi mkhonzi wam, Sirayeli endikunyulileyo.
-
2
|Isaías 44:2|
Utsho uYehova uMenzi wakho, uMbumbi wakho kwasesizalweni, uMncedi wakho, ukuthi, Musa ukoyika, mkhonzi wam Yakobi, Yeshurun endimnyulileyo.
-
3
|Isaías 44:3|
Ngokuba ndiya kugalela amanzi phezu kwabanxaniweyo, nemiqukuqela yamanzi phezu kwelizwe elomileyo. Ndiya kugalela uMoya wam phezu kwembewu yakho, nentsikelelo yam phezu kwenzala yakho.
-
4
|Isaías 44:4|
Baya kuhluma phakathi kotyani, njengemingculuba engasemisingeni yamanzi.
-
5
|Isaías 44:5|
Omnye uya kuthi, NdingokaYehova; nomnye uya kunqula igama likaYakobi; kwanomnye uya kuzibhala ngesandla sakhe kuYehova, alihloniphe igama likaSirayeli.
-
6
|Isaías 44:6|
Utsho uYehova, uKumkani wakwaSirayeli, uMkhululi wakhe, uYehova wemikhosi, ukuthi, Ndingowokuqala, ndingowokugqibela; akukho Thixo ingendim.
-
7
|Isaías 44:7|
Ngubani na oshumayela njengam-makaxele andicacisele-ethabathela ekumiseni kwam abantu basendaleni? Izinto ezizayo, neziza kubakho, mabazixele.
-
8
|Isaías 44:8|
Musani ukunkwantya, ningajijitheki; andikuvisanga na kwanini, ndanixelela? Ningamangqina am. Kukho Thixo na, ingendim? Akukho liwa, andilazi mna.
-
9
|Isaías 44:9|
Abayili bemifanekiso eqingqiweyo bonke bephela baluchuku, neento zabo ezinqwenelekayo azincedi nto; bona bangamangqina azo; ababoni, abazi, ukuze badane.
-
10
|Isaías 44:10|
Ngubani na oyile uthixo, watyhida umfanekiso ongenakunceda nto?
-
-
Sugerencias
Haga clic para leer 2 Corintios 5-7