-
Leer por capítulos:
57-
Afrikaans (1953) -
-
1
|Salmos 57:1|
Vir die musiekleier; op die wysie van: Moenie verwoes nie. Van Dawid. 'n Gedig, toe hy vir Saul in die spelonk gevlug het.
-
2
|Salmos 57:2|
Wees my genadig, o God, wees my genadig, want by U het my siel geskuil, en in die skaduwee van u vleuels sal ek skuil totdat die onheil verbygegaan het.
-
3
|Salmos 57:3|
Ek roep God, die Allerhoogste, aan, God wat dit vir my voleindig.
-
4
|Salmos 57:4|
Hy sal uit die hemel stuur en my verlos terwyl hy wat my vertrap, my smaadheid aandoen. Sela. God sal sy goedertierenheid en sy trou stuur.
-
5
|Salmos 57:5|
Ék moet onder leeus lê, wraakgieriges, mensekinders wie se tande spiese en pyle is, en wie se tong 'n skerp swaard is.
-
6
|Salmos 57:6|
Verhef U bo die hemele, o God, u heerlikheid bo die hele aarde!
-
7
|Salmos 57:7|
Hulle het 'n net gespan vir my voetstappe, hulle het my siel neergebuig; hulle het 'n kuil voor my gegrawe, hulle val daar binne-in. Sela.
-
8
|Salmos 57:8|
My hart is gerus, o God, my hart is gerus; ek wil sing en psalmsing.
-
9
|Salmos 57:9|
Waak op, my eer! Waak op, harp en siter! Ek wil die dageraad wakker maak!
-
10
|Salmos 57:10|
Ek wil U loof onder die volke, o Here, psalmsing tot u eer onder die nasies.
-
-
Sugerencias
Haga clic para leer Jueces 4-5