-
-
Bibla Shqiptare -
-
17
|Juan 21:17|
E pyeti për të tretën herë: "Simon nga Jona, a më do ti mua?'. Pjetri u trishtua pse e pyeti për të tretën herë: "A më do ti mua?', dhe iu përgjigj: "Zot, ti di çdo gjë, ti di se unë të dua'. Jezusi i tha: "Kulloti delet e mia.
-
18
|Juan 21:18|
Në të vërtetë, në të vërtetë po të them se, kur ti ishe i ri, e ngjeshje vetveten dhe shkoje ku të doje; po kur të jesh plak, do t´i shtrish duart dhe dikush tjetër do të të ngjeshë e do të të çojë atje ku ti nuk do të doje'.
-
19
|Juan 21:19|
I tha këto fjalë për të bërë të ditur se me ç´vdekje ai do ta përlëvdonte Perëndinë. Dhe, si i tha këto, i tha: "Ndiqmë'.
-
20
|Juan 21:20|
Dhe Pjetri u kthye dhe pa se po e ndiqte dishepulli, të cilin Jezusi e donte, ai që gjatë darkës ishte mbështetur mbi kraharorin e Jezusit dhe kishte pyetur: "Zot, kush është ai që po të tradhton?'.
-
21
|Juan 21:21|
Kur Pjetri e pa, i tha Jezusit: "Zot, dhe me të ç´do të bëhet?'.
-
22
|Juan 21:22|
Jezusi iu përgjigj: "Nëse dua që ai të mbetet derisa të vij unë, ç´të duhet? Ti ndiqmë!'.
-
23
|Juan 21:23|
Atëherë u hap zëri midis vëllezërve se ai dishepull nuk do të vdiste; por Jezusi nuk i kishte thënë Pjetrit se ai nuk do të vdiste, por: "Nëse unë dua që ky të mbetet derisa të vij unë, ç´të duhet?'.
-
24
|Juan 21:24|
Ky është dishepulli që dëshmon për këto gjëra dhe që ka shkruar këto gjëra; dhe ne dimë se dëshmia e tij është e vërtetë.
-
25
|Juan 21:25|
Janë edhe shumë gjëra të tjera që i bëri Jezusi, të cilat, po të shkruheshin një nga një, unë mendoj se nuk do të mjaftonte mbarë bota që t´i nxinte librat që do të mund të shkruheshin. Amen.
-
-
Sugerencias
Haga clic para leer 2 Corintios 5-7