-
Leer por capítulos:
17-
Xhosa -
-
1
|Salmos 17:1|
Umthandazo kaDavide. Buve, Yehova, ubulungisa; kubazele indlebe ukuhlahlamba kwam; Wubekele indlebe umthandazo wam, ongengamlomo ukhohlisayo.
-
2
|Salmos 17:2|
Ibango lam malivele ebusweni bakho, Amehlo akho akhangele ngokuthe tye.
-
3
|Salmos 17:3|
Uyicikidile intliziyo yam; undivelele ebusuku; Undinyibilikisile, akwafumana nto; Ndiyinkqangiyele into embi, ayiyi kuwugqitha umlomo wam.
-
4
|Salmos 17:4|
Malunga nemisebenzi yabantu, ngelizwi lomlomo wakho, Mna ndizigcinile, andangena kwiindlela zamanyangaza.
-
5
|Salmos 17:5|
Imikhondo yam ibambe iindlela zakho, Azashukuma iinyawo zam.
-
6
|Salmos 17:6|
Mna ndinqula wena, ngokuba undiphendula, Thixo; Ndithobele indlebe yakho, kuve ukuthetha kwam.
-
7
|Salmos 17:7|
Zibalule iinceba zakho, wena wabasindisayo abazimela ngawe, Ngesandla sakho sokunene, ngenxa yabasukela phezulu kubo.
-
8
|Salmos 17:8|
Ndigcine njengeliso, njengokhozo lwalo, Ndisithelise ngesithunzi samaphiko akho,
-
9
|Salmos 17:9|
Phambi kwabangendawo abandibhuqayo, Phambi kweentshaba zam ngokwasemphefumlweni ezindingungelayo.
-
10
|Salmos 17:10|
Zithe fithi kukutyeba; Ngomlomo wazo zithetha ngekratshi.
-
-
Sugerencias
Haga clic para leer 2 Corintios 5-7