-
Leer por capítulos:
39-
Xhosa -
-
1
|Salmos 39:1|
Kumongameli, kuYedutun. Umhobe kaDavide. Ndathi, Ndiya kuzigcina iindlela zam, Ndingoni ngolwimi lwam; Ndiya kuwugcina ngokuwubopha umlomo wam, Xa ongendawo asephambi kwam.
-
2
|Salmos 39:2|
Ndaba sisidenge, ndathozama, Ndazisulungisa nakokulungileyo; Wagxobha-gxobheka umvandedwa wam.
-
3
|Salmos 39:3|
Yaba nobushushu intliziyo yam phakathi kwam, Ekucamangeni kwam wavutha umlilo. Ndathetha ke ngolwimi lwam,
-
4
|Salmos 39:4|
Ndathi, Ndazise, Yehova, isiphelo sam, Nomlinganiso wemihla yam, into oyiyo; Mandikwazi ukunqamka kwam, into okuyiyo.
-
5
|Salmos 39:5|
Yabona, uyenze imihla yam yangangobubanzi besandla; Nobomi bam bunjengento engento phambi kwakho; Ngumphunga nje bonke abantu, nakuba bemi. (Phakamisani.)
-
6
|Salmos 39:6|
Uhamba-hamba umntu enjengesithunzi nje kodwa; Baxokozela ngomphunga nje kodwa; Bafumba, bengazi ukuba ngubani na oya kukuhlanganisa.
-
7
|Salmos 39:7|
Ngoku ndiya kuthembela kwintoni na, Nkosi yam? Ukulinda kwam kukuwe.
-
8
|Salmos 39:8|
Ndihlangule elukreqweni lwam lonke; Musa ukundimisela ingcikivo yesidenge.
-
9
|Salmos 39:9|
Ndisisidenge, umlomo wam andiwuvuli, Ngokuba oko kwenziwe nguwe.
-
10
|Salmos 39:10|
Sisuse kum isibetho sakho; Mna ndiyaphela kukutyundyutha kwesandla sakho.
-
-
Sugerencias
Haga clic para leer Romanos 1-4