-
Leer por capítulos:
-
Esperanto -
-
1
|Isaías 11:1|
Eliros markoto el la trunko de Jisxaj, kaj brancxo elkreskos el gxiaj radikoj.
-
2
|Isaías 11:2|
Kaj estos sur li la spirito de la Eternulo, spirito de sagxo kaj prudento, sprito de konsilo kaj forto, spirito de sciado kaj de timo antaux la Eternulo.
-
3
|Isaías 11:3|
Kaj agrabla estos al li la timo antaux la Eternulo; kaj ne laux la rigardo de siaj okuloj li jugxados, ne laux la auxdo de siaj oreloj li eldirados verdiktojn;
-
4
|Isaías 11:4|
sed li jugxados malricxulojn laux vero, kaj laux justeco li eldirados verdiktojn por humiluloj de la lando; kaj li frapos la teron per la vergo de sia busxo, kaj per la spiro de siaj lipoj li mortigos malpiulon.
-
5
|Isaías 11:5|
Vero estos la zono de lia lumbo, kaj fideleco la zono de liaj koksoj.
-
6
|Isaías 11:6|
Kaj logxos lupo kun sxafido, kaj leopardo kusxos kun kaprido; kaj bovido kaj leonido kaj grasigita bruto estos kune, kaj malgranda knabo ilin kondukos.
-
7
|Isaías 11:7|
Kaj bovino pasxtigxos kun urso, kaj iliaj idoj kusxos kune; kaj leono simile al bovo mangxos pajlon.
-
8
|Isaías 11:8|
Kaj sucxinfano ludos super la truo de aspido, kaj demamigita infano metos sian manon sur la neston de vipuro.
-
9
|Isaías 11:9|
Oni ne malbonagos kaj ne difektos sur Mia tuta sankta monto, cxar la tero estos tiel plena de konado de la Eternulo, kiel la akvo plenigas la maron.
-
10
|Isaías 11:10|
En tiu tempo al la radiko de Jisxaj, kiu staros kiel standardo por la popoloj, celados la nacioj; kaj lia ripozejo estos honoro.
-
-
Sugerencias
Haga clic para leer Job 22-24